Sámegielat mánáidgárde- ja skuvlamánáid giella ja jurddašeapmi
(Sámi-speaking children's use of language and reasoning in kindergarten and school)
(Sámi-speaking children's use of language and reasoning in kindergarten and school)
Dutkanprošeakta Epistemalaš modalitehta máná ehtalaš ja morálalaš árvvoštallamis lágidii symposia sámegielat mánáid giela ja jurddašeami birra Romssas
21.–22.11.2022. Symposia lei oassin konferánssas International Research in Early Childhood Education Conference. Diversity in early childhood education - global and local arctic perspectives.
21.–22.11.2022. Symposia lei oassin konferánssas International Research in Early Childhood Education Conference. Diversity in early childhood education - global and local arctic perspectives.
Ylva Jannok Nutti ja Viktor Johanssona ovdanbuktima namma lei Dekoloniseret mánáidgárddi pedagogihka: Čuovvut mielde, leahkit ja bargat ovttas vuohkin nannet sámi mánáid ja oahpaheaddjiid filosofalaš duostilvuođa (Decolonising early childhood pedagogies: Following along, being, and doing as a way for Sámi children and educators to engage philosophical courage).
Govat: Johanna J. Ijäs |
Sara Ellen J. Eira Heahttá ovdanbuvttii bohtosiid iežas masterdutkamušas skuvlamánáid čállingiela sátnesojahanmáhtu birra.
Govva: Johanna J. Ijäs |
Ánte Mihkkal Gaup sáhkavuoru fáddán lei dutkanprošeavtta ovttasbargu sámi oahpaheaddjeoahpuiguin, namalassii movt oahpaheaddjestudeanttat čohkkejedje dutkanmateriála mánáid gielas máinnastanárbevieru bokte.
Govva: Ylva J. Nutti |